حيوانات

جميع المعلومات عن كلب المالينو malinois

كلب المالينو malinois


اقرأ في هذا المقال

  • نشاة كلب المالينو
  • الموصفات الجسدية لـ كلب المالينو
  • ملخص مواصفات عامة عن كلب الـ مالينو
  • طباع كلب المالينو
  • ملخص طباع كلب الملينو
  • تدريب و النشاط   كلب المالينو
  • استخدمات كلب المالينو 
  • كيف تفرق بين المالينو البيور والمالينو الغير بيور
  •  المشاكل الصحية لـ كلاب الـ مالينيو
  • عيوب كلب المالينو
  • كلاب للبيع فى مصر
  •  فيديو لكلب المالينو

نشاة كلب المالينو malinois

كلب المالينو  سُمّي هذا الكلب باسم “المالينو”، نسبة إلى القرية البلجيكية “مالينيس”،
وهو نوع من بين 4 أنواع من كلاب الرعي البلجيكية وهي:

  1. المالينو malinois
  2. التيرفورين Tervuren
  3. ليكونويز
  4. الغرونينديل

سمي هذا الكلب نسبة الى القريه البلجيكيه (مالينيس)

بلد المنشأ : بلجيكا

الموصفات الجسدية لـ كلب المالينو malinois

الرأس :

  • الراس ذو شكل قوي حجمه عموما يناسب حجم الكلب , وتعابيره توحي بالانتباه واليقظه دائما ,
    العينان بنيتان ويفضل ان يكون اللون غامق وذات شكل لوزي قليلا
    متوسطه الحجم والجفون اطرافها سوداء غالبا ,
  • شكل الاذنان يجب ان يكون متناسق مع الراس وشكلهما يشبه مثلث متوازي الاضلاع
    منتصبه دائما ولا يقبل ان تكون مرتخيه
  • اعلى الجمجمه يكون مسطحا وليس دائريا مثل اغلب الكلاب ,
  • الفك قوي وذو اطباق جيد , والخشم يجب ان يكون اسود اللون تماما

الفراء :

  • الفراء يجب ان يكون قصيرا , شعيراته مستقيمه ,وقاسي بما يكفي ان يكون مقاوما لتغيرات الطقس
  • ذو فروه داخليه كثيفه
  • الشعر يجب ان يكون اقصر عند الراس الاذن , واسفل القوائم , ولكن غالبا ما يكون اطول عند الرقبه والصدر , الذيل , وباطن الفخذين.

لون الفراء

  • الاغلب عادة ما يكون لون الماهوغني البني مع نقط سوداء في آخر الشعر ,
  • الاذنان وقناع الوجه مائل الى السواد ,الجزء الاسفل من الجسم والذيل يكون لونهم اخف احيانا
  • والبقعه البيضاء التي توجد على عظمه الصدر (ان وجدت) لا تعيب الكلب.
 ارتفاع كلب المالينو malinois او كلب المالينوا
  • ارتفاع الكلب الذكر 61 سم الى 66 سم .
  • ارتفاع الكلب الأنثى 56 سم الى 61 سم .

وزن كلب المالينو malinois او كلب المالينوا

  • وزن الكلب الذكر 29 كغ الى 34 كغ .
  • وزن الكلب الأنثى 25 كغ الى 30 كغ .

متوسط عمر كلب المالينو malinois

  • متوسط عمر الكلب 10 سنوات الى 12 سنة .

تعرف على كلاب الكين كورسو cane corso

كلب المالينو malinois او كلب المالينوا
كلب المالينو malinois او كلب المالينوا

ملخص مواصفات عامة عن كلب الـ مالينو malinois

يمتلك كلب المالينو جسم مربع، صدر عميق ، منحدر قليلا عند الارجل ،حجم الرأس الكلي يتناسب مع حجم جسم كلب ،الجمجمة مسطحة في العرض والطول من نفس المسافة ،الأنف والشفاه سوداء وضيقة ، العيون متوسطة الحجم
بنية اللون ذات شكل لوزي ،الأذان منتصبة الشكل ، له الذيل عريض في القاعدة متدليوهو أخف كثافة عندد النهاية ،
شكل القدم كأقدام القطط ، يتميز بمعطف مزدوج قصير ، لون المعطف مائل بين اللون الأحمر إلى الماهوجني إلى الأسود، القناع والأذنين سوداء ،الشعر حول الرقبة تشبه الطوق.

طباع كلب المالينو  malinois

الكبرياء:

المالينوا كلب ذو كبرياء بصورة كبيره جدا، وهذا الكبرياء بيتفهم غلط في مواقف كتير اوي، وكمان بيخلي التعامل مع المالينو محتاج اسلوب خاص، يعني مثلا في تدريب المالينوا وعلى عكس الكلاب كلها مش بنستخدم اسلوب العقاب ابدا، انما الاسلوب السليم هو اسلوب المنع و المكافئه، يعني لما يعمل حاجة كويسه بنكافئه، و التشجيع بيكون بالكلام فقط لانه محتاج تشجيع معنوى أكتر من التشجيع المادي، وعامة المالينوا كلب زاهد في متع الدنيا زي ما بيقولوا، يعني الاكل و الحاجات دي ملهاش قيمة كبيره عنده. ولما الكلب يغلط اثناء التدريب بنوقف التدريب فورا ونسيب الكلب فتره 20 دقيقه ونرجع تاني نبدأ التمرين، طبعا من غير ما نزعق او نضرب لان الضرب و الزعيق بينقلب لعند بسبب كبرياء المالينوا.

الشراسه :

المالينو كلب شرس بالفطره وشراسته عليه جدا، وبيعتبر من اشرس الانواع، ولذلك بيستخدم في اعمال الهجوم
و مكافحة الارهاب والهجوم المسلح اكتر من استخدامه في مجال المخدرات او فض الشغب او الحراسه العادية.

وشراسة المالينو ممكن السيطره عليها لكن محتاجه مدرب ماهر جدا وله خبره كبيره مع المالينو ،
ده غير ان المالينو من الكلاب اللي ليها اسلوب مميز جدا في الهجوم و الانقضاض وغير متردده بالمره،
ورشاقته مع طاقته المرتفعه بتديله مزايا كتير اوي مع الشراسه وبتخليه من افضل الكلاب في مجال الهجوم
لتميزه باسلوب فريد فعلا.

4- الاخلاص :

طبعا مفيش كلب غير مخلص، وكل ما يشاع عن كلب الدوبر مان و كلب الروت ويلير و كلب المالينو
من الغدر وعدم الاخلاص كلام لا اساس له من الصحه،
والمالينو من اكتر الكلاب اخلاصا لصاحبها وبيستميت في الدفاع عنه، والمالينو فيه ميزه،
ان ممكن يكون ليه كذا صاحب، يعني واحد اساسي والباقيين بردو اصحابه، وبيخلص ليهم كلهم اخلاص شديد جدا،
ودي ميزه مش موجوده مثلا في البيت بول أو الماستيف.

6- عدم التردد:

من أكتر الحاجات اللي بتميز المالينو هو عدم التردد في اتخاذ القرار، يعني لو اخد امر الهجوم مش بيتردد ابدا
حتى لو ميعرفش قدرات خصمه او لو عارف ان الخصم اكبر منه، لكن بيبدأ الهجوم ومش بينتظر انه يدرس الخصم،
ودي ميزه هايله فيه، ومهما كان شايف من الخصم من علامات ترهيب بيهجم بدون تردد، ومش بينتظر الضربه الاولى
على عكس البيت بول مثلا.

7- الفضول:

المالينو من الكلاب الفضوليه جدا، ميحبش يسيب حاجة ادامه من غير ما يعرفها،
ودايما تلاقيه بيدور في مكان اقامته ويتعرف على كل شيء جديد، ولو حاجة جدت لازم يعرفها ويدرسها كويس،
ودي طبعا حاجة كويسه لانه بالشكل ده بيكون عارف كل حاجة في مكان اقامته وبيقدر يحدد اي مستجدات،
لكن على الوجه الاخر الفضول بيسبب مشاكل كتير، لان ممكن اثناء التنزه مثلا الكلب يجري يشوف عربيه
او اي حاجة تانيه ودي ممكن تتسبب في مشاكل كتير.

8- الثقه و الشجاعه:

المالينوا كلب واثق من نفسه لابعد الحدود وشجاعته عظيمه، وده طبعا نابع من الشراسه الفطريه والكبرياء، والثقه
و الشجاعه هي اللي بتديه عدم التردد، لانه واثق من قدراته جدا. ولثقته في قدراته الاعتماد على المالينو بيكون كبير في عمليات الهجوم لانه لا يعرف الخوف ابدا والثقه دي بتسمحله انه يستخدم كل امكانياته.

9- العدائيه:

المالينو عدائي بطبعه تجاه اي حيوان، ومن البدايه لازم تتم السيطره على النقطه دي فيه،
وهي عمليه صعبه شويه لكن مش مستحيله، وخصوصا لو تمت معاه من الصغر،
ومن الحاجات العجيبه في المالينو ان العدائيه دي مش بتظهر مع الحيوانات الصغيره، واقصد اللي عمرها صغير،
يعني لو مثلا شاف جرو صغير عمره ما بيكون عدائي معاه بالعكس بيكون قمة في الحنان معاه،

تعرف على كلاب بول دوج bulldog

كلب المالينو malinois او كلب المالينوا
كلب المالينو malinois او كلب المالينوا

ملخص طباع كلب الملينو malinois

  • كلب ذو كبرياء شديد.
  • كلب نشيط بدرجة كبيرة جدا جدا وطاقته الداخليه هائلة.
  • شرس بالفطره بصورة كبيره جدا، و عنيف في كل تعاملاته نتيجة شراسته ونشاطه الزائد.
  • مخلص لصاحبه جدا على عكس ما يشاع عنه.
  • مرح و حيوي وبيعشق الحرية والانطلاق.
  • شخصيته محدده ورد فعله سريع جدا ولا يعرف التردد مطلقا.
  • فضولي جدا، ومحب للاستكشاف لاي حاجة جديده حتى لو كانت خارج محيط اقامته.
  • ثقته بنفسه وبقدراته كبيره وشجاع لأبعد الحدود.
  • عدائي تجاه اي حيوان بالفطره.

تدريب و النشاط   كلب المالينو malinois

المالينو من الكلاب اللي فعلا مش بتتعب، وعنده مقدره رهيبه على الشغل لفترات مفيش كلب تاني ممكن يتحملها
الا انواع معدوده زي الدوبرمان بينشر وعامة المالينو ممكن يتدرب لاي وقت ومفيش لنشاطه حدود،
وبسبب نشاطه الزائد هنلاقي ان المالينو محتاج تمارين يوميه بصورة مكثفه، يعني مش مجرد نزهة عاديه على الاقدام، وعامة بيفضل تمرين المالينوا لمده 4 ساعات يوميا تمرين متواصل من جري و قفز حواجز،
يعني تمارين كلها بتعتمد على الحركة و النشاط. والمالينو لو محصلش على التمارين دي يوميا طاقته الداخله
بتتسبب في مشاكل كبيره اوي لانها بتنقلب لطاقه تخريبيه و عنف زائد عن الحد ومحاولات هروب متكرره.

المرح و الحيوية:

المالينو كلب مرح جدا وحيوي جدا، وميحبش يقعد كده هادي، دايما تلاقيه بيلعب ويحب جدا اللعب مع صاحبه،
بس لازم ناخد الحذر في اللعب معاه لان لعبه شرس وكتير بيلعب بعنف مبالغ فيه، وناس كتير بتفتكر لعب المالينو
على انه هجوم او غدر لكن ده غير صحيح، هو بس لعبه عنيف ومحتاج واحد يكون عنيف معاه في اللعب
علشان يستمتع معاه. وعامة العاب المالينو اغلبها بتكون بين الجري و لعبة الفرسبي او العاب الشد،
يعني أي لعبه عنيفه هتمتع المالينوا جدا، وكمان هتحافظ على صحته ومستوى شراسته.
كلب المالينو malinois او كلب المالينوا
كلب المالينو malinois او كلب المالينوا

استخدمات كلب المالينو malinois

  • تصنيفه العالمي: يُصنّف الكلب “المالينو” ب الترتيب الثاني العالمي، وذلك لمواصفاته واستخداماته
    في عدد كبير من دول العالم خصوصًا في هولندا وبلجيكا.  كما يمتاز بالذكاء الشديد،
  •  يمتاز كلب المالينو يمتاز بالذكاء الشديد فهو أكثر شراسة وقوة، وقد تصل قفزته إلى مترين فوق الأرض،
    كما يشتهر الكلب بالشجاعة الكبيرة والتي تفوق سلالات أخرى من الكلاب،إضافة إلى قدرته الفائقة
    على الشم وهو الأمر الذي يدفع السلطات الأمنية إلى استخدامه.
  • استخدامات الكلاب: تساعد كلاب “المالينو”، رجال الشرطة و الجمارك في قدرتها على البحث والكشف
    عن المواد المتفجرة أو المواد المخدرة وكذلك تستخدم لمطاردة الهاربين والمجرمين،
    كما أن لديه قدرة عالية في الكشف عن أي مواد تشتبه فيها الشرطة بسرعة عالية،
    ما دفع وزارة الداخلية للاعتماد عليه في تأمين حفل افتتاح قناة السويس.

كيف تفرق بين المالينو البيور والمالينو الغير بيور

الفارق بينها وبين الكلاب البلدية: تختلف الكلاب “المالينو” عن الكلاب البلدية في أمور مهمة،
من بينها أن تلك الكلاب لديها “ستاندر” بخلاف الكلاب البلدية فليس لها “ستاندر”
. والستاندر أي (المقاييس والمعايير الدولية)

  • المالينو البيور يمتلك قناع او ماسك اسود علي الرأس ويفضل انه يكون واصل للرقبة
  • البعض يظن ان المالينو ذو النقطة البيضاء غير بيور لكن كلام غير صحيح فهذا يدل اصلا على البيور
  • الرشاقة في المالينو ملحوظة جدا
     ملاخظة يكون فيه مالينو بيور بدون رقعة بيضاء عادي 

تعرف على كلاب الهاسكي Husky

كلب المالينو malinois او كلب المالينوا
كلب المالينو malinois او كلب المالينوا

 المشاكل الصحية لـ كلاب الـ مالينيو malinois

  • كثير من كلاب المالينو عرضة لحساسية الجلد
  • مشاكل في العين
  • الخجل المفرط أو العدوانية المفرطة
  • تشوهات مفصل الفخذ أوالكوع
ولتفادي الأمراض الوراثية ومشاكل النمو و مشاكل الصحية يتوجب عليك شراء المالينو من مربي كلاب ذو سمعة حسنة

عيوب كلب المالينو malinois

  • هو قدرتها البارعة على إخفاء ألمها، ما يصعب اكتشافه من مربيها ومستخدميها،
    الأمر الذي يعرضها للمرض والموت سريعًا،
  • لا يمكن تربيته في المنزل.
  • كما تفتقد تلك الكلاب قوتها سريعًا مع مرور الزمن.

كلاب للبيع فى مصر

عايز تشترى كلب ؟
عايز تبيع كلب ؟
بنشرحلك هذه الصفحة للبيع و شراء الكلاب اضغط هنا

تعرف على كلاب الجيرمن شيبرد German Shepherd

 فيديو لكلب المالينو malinois

المصدر
ويكيبيدياالوطن
الوسوم

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.

شاهد أيضاً

إغلاق
إغلاق